У Мазыры пажылая жанчына выпала з акна трэцяга паверха і разбілася насмерць
![У Мазыры пажылая жанчына выпала з акна трэцяга паверха і разбілася насмерць](/sites/default/files/styles/gallery_main/public/2023-08/mazyr-2309.jpg.webp?itok=WNqjhsHy)
У Мазыры 58-гадовая жыхарка вёскі Матрункі Мазырскага раёна выпала з акна трэцяга паверха жылога дома. Супрацоўнікі хуткай дапамогі знайшлі яе ў цяжкім стане на тратуары каля шматпавярховіка. Жанчына атрымала не сумяшчальныя з жыццём траўмы, уратаваць яе не атрымалася, кажа следчая Мазырскага раённага аддзела Следчага камітэта Таццяна Паўленка.
Паўленка: "Знаходзячыся ў гасцях у сваякоў пасля сумеснага распіцця спіртных напояў выпала з акна, у выніку чаго памерла. У цяперашні час Мазырскім раённым аддзелам Следчага камітэта праводзіцца праверка і высвятляюцца абставіны таго, што адбылося".
Як паведамляе тэлеканал “Мазыр”, пенсіянерка прыехала ў госці да сваячкі. Следчыя мяркуюць, што гэта быў няшчасны выпадак, і высвятляюць абставіны здарэння.