У Магілёўскім раёне знайшлі хлопчыка, які летась знік у Маскве
У Магілёўскім раёне знайшлі 5-гадовага Якава Зіборава, які ў сакавіку летась знік у Маскве. Як інфармуе афіцыйны прадстаўнік УУС Магілёўскага аблвыканкама Дзмітрый Ігнатовіч, пошукі праводзіліся магілёўскімі праваахоўнікамі сумесна з супрацоўнікамі Галоўнага ўпраўлення МУС Расіі па Маскве. Расійская паліцыя падазравала, што дзіця можа знаходзіцца ў Беларусі і гэтая версія аказалася слушнай.
Хлопчыка знайшлі 7 чэрвеня. Яго суправаджаў грамадзян Расіі. Адзначаецца, што стан дзіцяці здавальняючы, яго перададуць сваякам. Праваахоўнікі высвятляюць абставіны здарэння, працуе следча-аператыўная група.
