У Лунінецкім раёне пенсіянерка абгарэла, грэючыся ля адчыненай печкі
![У Лунінецкім раёне пенсіянерка абгарэла, грэючыся ля адчыненай печкі](/sites/default/files/styles/gallery_main/public/2023-08/ahon.jpg.webp?itok=ewDajOQi)
Жыхарка вёскі Багданаўка Лунінецкага раёна трапіла ў лякарню з сур’ёзнымі апёкамі пасля таго, як няўдала вытапіла печку ў сваім доме. Здарэнне адбылося ўвечары 6 студзеня. Пенсіянерка 1933 года нараджэння, інвалід па зроку 1 групы грэлася ля адкрытай пячной заслонкі. Агонь выпадкова перакінуўся на вопратку жанчыны і яна загарэлася.
Пацярпелая дастаўленая ў рэанімацыю Лунінецкай раённай лякарні з апёкамі 1-3 ступені 20% цела. Яе стан ацэньваецца як цяжкі.
Падраздзяленні пажарнай службы на месца здарэння не выклікаліся. Па факце інцыдэнту праводзіцца праверка, паведамляе прэс-служба МНС.
Фота з архіву