У Літве затрымалі найбольшую за апошнія гады кантрабанду цыгарэт з Беларусі
Падчас разгрузкі грузавіка / https://www.facebook.com/Muitineskriminalinetarnyba
У Літве затрымалі найбольшую за апошнія гады кантрабанду цыгарэт з Беларусі. Яе кошт ацанілі на суму каля 4 мільёнаў еўра.
Як піша літоўская Мытная крымінальная служба, паводле дакументаў, у грузавіку з Беларусі везлі 17 тон торфу. Аднак пасля рэнтгенаўскага агляду аўтамабіля высветлілася, што задэклараваны груз быў усяго толькі прыкрыццём для буйной кантрабанды. Яе падлікам літоўскія мытнікі займаліся некалькі дзён, і гэтая праца яшчэ не скончана.
Абодва чалавекі, якія ехалі на грузавіку, арыштаваныя. Гэта грамадзяне Беларусі і Украіны. Праводзіцца расследаванне.
Дагэтуль найбуйнейшая партыя кантрабандных цыгарэт з Беларусі, затрыманая сёлета ў Літве, каштавала амаль 2,6 млн еўра.
