У Літве перахапілі дрон, які прыляцеў з Беларусі
![У Літве перахапілі дрон, які прыляцеў з Беларусі](/sites/default/files/styles/gallery_main/public/2023-08/dron2.jpg.webp?itok=9ckuU9_N)
У Літве перахапілі дрон, які прыляцеў з Беларусі. Да яго быў прымацаваны груз — кантрабандныя цыгарэты.
Літоўскія памежнікі паведамляюць, што здарэнне адбылося ўвечары 3 лютага каля Шальчынінкая. Дрон удалося прымусова пасадзіць у двух кіламетрах ад мяжы з Беларуссю з дапамогай спецыяльнай апаратуры. Ён аказаўся самаробным. Груз — каля тысячы пачкаў цыгарэт NZ Gold з беларускімі акцызнымі маркамі. Чалавек, які кіраваў дронам, знойдзены не быў.
Гэта ўжо другі выпадак у 2022 годзе, калі беспілотны лятальны апарат выкарыстоўваецца для перавозкі кантрабандных цыгарэт з Беларусі.
![У Літве перахапілі дрон, які прыляцеў з Беларусі](/sites/default/files/paragraphs/image/dron3.jpg)
pasienis.lt
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.