У Лідзе на вуліцы затрымалі намесніка старшыні райвыканкама

У Лідзе затрыманы намеснік старшыні мясцовага райвыканкама. Здарылася гэта проста на гарадской вуліцы. Разам з чыноўнікам быў затрыманы старшыня Траццякоўскага сельсавета. Як паведамляе БЕЛТА са спасылкай на Гродзенскую абласную пракуратуру, адбылося гэта падчас атрымання хабару. Яго сума не называецца.

Вядома, што чыноўнікаў падазраюць у атрыманні хабару за садзейнічанне ў атрыманні бясплатных віз іншым асобам. Гэтыя людзі не маюць адносінаў да спартыўных каманд ці народных музычных калектываў, але траплялі ў спісы на атрыманне бясплатных віз. Распачатая крымінальная справа. Па ёй праходзяць некалькі дзясяткаў чалавек — фальшывых спартсменаў і музыкаў.

Адзначаецца, што намеснік старшыні Лідскага райвыканкама адказвае за пытанні ідэалогіі, маладзёжнай палітыкі, СМІ, культуры ды спорту.

Фота: ria.ru