У Крымінальным кодэксе Беларусі з'явіцца артыкул за дыскрэдытацыю войска
![У Крымінальным кодэксе Беларусі з'явіцца артыкул за дыскрэдытацыю войска](/sites/default/files/styles/main_image_watermark_/public/2023-08/palatka-0712.jpg.webp?itok=UFinKiXG)
У Беларусі ўвядуць смяротнае пакаранне за здраду дзяржаве. Такія змены прадугледжаныя ў законапраекце "Аб змене кодэксаў па пытаннях крымінальнай адказнасці", які Палата прадстаўнікоў прыняла 7 снежня ў першым чытанні.
Смяротнае пакаранне, у адпаведнасці з праектам, можа быць ужытае да "службовых асоб або вайскоўцаў, якія здрадзілі дзяржаве". Мера ўводзіцца, як заяўляюць, дзеля "стрымвальнага ўздзеяння на дэструктыўныя элементы".
Таксама ў Крыміналным кодэксе ўводзіцца адказнасць за дыскрэдытацыю войска ды сілавых структур і прапаганду тэрарызму.
Законапраект яшчэ будзе разглядацца ў другім чытанні.
Дарэчы, у РФ крымінальная адказнасць за "фэйкі" аб расійскім войску была ўведзеная пасля пачатку вайны супраць Украіны ў лютым 2022-га.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.