У Кіеве падчас расійскага ракетнага ўдару загінулі тры чалавекі
![Наступствы ракетнага ўдару ў Кіеве / t.me/censor_net](/sites/default/files/styles/gallery_main/public/2023-08/55_15.jpg.webp?itok=MIBmPsrb)
Наступствы ракетнага ўдару ў Кіеве / t.me/censor_net
23 лістапада ў Кіеве падчас расійскага ракетнага ўдару загінулі тры чалавекі. Сярод іх — 17-гадовая дзяўчына. Пацярпелі 11 чалавек, 10 з іх шпіталізаваны. Пра гэта паведаміў мэр украінскай сталіцы Віталь Клічко.
Расійскія ракеты патрапілі па 16 аб'ектах інфраструктуры, а таксама ў жылы дом у Вышгарадзе Кіеўскай вобласці. Ад ракетных удараў загінулі 6 чалавек, 36 атрымалі раненні.
Чарговы маштабны ракетны ўдар па інфраструктуры Украіны Расія нанесла ў дзень, калі Еўрапарламент прызнаў яе "спонсарам тэрарызму". У Харкаве, Мікалаеве, Адэсе, Львове цалкам знікла электрычнасць, у іншых гарадах, рэгіёнах — частковыя адключэнні. У некаторых раёнах няма вады і ацяплення. Была парушаная праца ўкраінскіх АЭС. Праблемы з электрычнасцю ўзніклі і ў суседняй Малдове.
Украінскія сілы супрацьпаветранай абароны збілі толькі частку ракет.
![У Кіеве падчас расійскага ракетнага ўдару загінулі тры чалавекі](/sites/default/files/styles/default_image_paragraph/public/paragraphs/image/57_10.jpg.webp?itok=2kPbaY0p)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.