У КДБ адмаўляюцца каментаваць заяву СБУ пра затрыманне беларускага шпіёна
КДБ / З архіву Еўрарадыё
"Мы ведаем пра інцыдэнт, але каментаваць яго не станем".
Камітэт дзяржбяспекі не будзе каментаваць заяву СБУ пра затрыманне беларускага шпіёна.
"Мы ведаем пра інцыдэнт, але каментаваць яго не станем", — заявіў афіцыйны прадстаўнік ведамства Андрэй Яраш выданню Tochka.
Як распавядала Еўрарадыё, 2 чэрвеня Служба бяспекі Украіны пацвердзіла затрыманне ў Ровенскай вобласці грамадзяніна Беларусі. Яго абвінавацілі ў супрац з КДБ і шпіянажы на паўночнай мяжы Украіны. Паведамляецца, што ў савецкі час ён ваяваў у дэсантна-штурмавых войсках у Афганістане.
