На 1 лістапада 2022 года золатавалютныя рэзервы Беларусі склалі $7 млрд 589,8 млн у эквіваленце, паведамляе Нацбанк. Там адзначаюць, што за кастрычнік ЗВР падраслі — на $86,5 млн (1,1%). Рост быў і ў верасні — $39,2 млн (на 0,5%).
Але гэты паказчык адчувальна меншы, чым аб'ём ЗВР у пачатку года. На 1 студзеня 2022-га міжнародныя рэзервовыя актывы складалі 8 млрд 425 млн даляраў. Розніца складае 835,2 млн даляраў.
Адзначым, што са жніўня Нацбанк перастаў публікаваць дэталёвую інфармацыю аб структуры ЗВР, а таксама тлумачыць, якія чыннікі ўплываюць на змяненне аб'ёму рэзерваў.
