У Калінкавіцкай ЦРБ ствараюць ваенны шпіталь
![Калінкавіцкая ЦРБ](/sites/default/files/styles/gallery_main/public/2024-08/photo_2024-08-24_14-05-34.jpg.webp?itok=gN3TA2--)
Калінкавіцкая ЦРБ / Telegram
У Калінкавіцкай цэнтральнай раённай бальніцы разгортваюць вайсковы шпіталь. Адзін з паверхаў ЦРБ аддалі пад патрэбы вайскоўцаў, паведамляе выданне "Флагшток" са спасылкай на ўласную крыніцу, звязаную з раённай уладай.
Для праверкі інфармацыі журналісты выдання звязаліся з бальніцай. У прыёмнай установы наяўнасць вайсковага шпіталя пацвердзілі. Аднак падрабязнасцяў расказаць не змаглі. Акрамя таго, з пытаннем аб тым, ці ідуць нейкія вайсковыя падрыхтоўкі медыцынскай інфраструктуры, “Флагшток” звярнуўся да спецыяліста сістэмы аховы здароўя Гомеля. Ён гэта абверг.
Выданне мяркуе, што шпіталь быў разгорнуты ў рамках чарговых вучэнняў. Зараз у Калінкавічах праходзяць заняткі па арганізацыі медыцынскага забеспячэння ў надзвычайных сітуацыях. У іх прымае ўдзел ваенны камісар Гомельскай вобласці Андрэй Крываносаў і начальніка медыцынскага атрада спецыяльнага прызначэння галоўнага вайсковага медыцынскага клінічнага цэнтра № 432 УС РБ.
Раней маніторынгавая група "Беларускі Гаюн" паведамляла, што ў раёне беларуска-ўкраінскай мяжы сканцэнтравана не менш за 1 100 беларускіх вайскоўцаў, некалькі верталётаў і штурмавікоў, а таксама БТР, танкі і ракетныя комплексы С-300ПС.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.