У Гродзенскім раёне жанчына аказала супраціўленне ўзброенаму рабаўніку
Малады чалавек у масцы ўварваўся ў памяшканне паштовага аддзялення ў вёсцы Каробчыцы.
Пагражаючы нажом, ён запатрабаваў адкрыць касу і аддаць яму ўсе грошы. 52-гадовая кіраўніца аддзялення не спалохалася — скарысталася газавым балончыкам. Збянтэжаны рабаўнік уцёк, але перад гэтым паспеў праверыць касу, у якой грошай не аказалася — выручку ўжо здалі.
Неўзабаве рабаўніка ўдалося затрымаць. Ім аказаўся 19-гадовы жыхар Гродна, "які раней ужываў наркотыкі". Ён прызнаўся, што на злачынства яго падштурхнула жаданне хутка ўзбагаціцца. Распачатая крымінальная справа, паведамляе БелаПАН.
Фота — Fotolia
