Вы тут

У Гродзенскім раёне загінуў 48-гадовы парапланерыст

Каля месца падзення парапланерыста / прэс-служба СК

5 красавіка каля 19:50 ратавальнікі атрымалі паведамленне, што ў возера ў Гродзенскім раёне зваліўся парапланерыст, піша прэс-служба Следчага камітэта ў сваім Telegram-канале. 

Ратавальнікі дасталі з вады цела мужчыны. Паводле папярэдніх звестак, 48-гадовы мужчына не справіўся з кіраваннем мотапарапланам падчас палёту і зваліўся ў возера. Ён загінуў на месцы здарэння.

Следчы камітэт пачаў крымінальную справу па факце парушэння правілаў бяспекі руху, эксплуатацыі паветранага транспарту, якія прывялі па неасцярожнасці да смерці чалавека. 

Прызначаны шэраг экспертыз, у тым ліку для высвятлення тэхнічнага стану рухавіка мотопараплана, дапытаныя сведкі. 

Каля месца падзення парапланерыста / прэс-служба СК

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.