У Гродне без цяпла засталіся дзіцячы садок, жылыя дамы і крамы

Камунальная аварыя адбылася ў Гродне, ілюстрацыйнае фота

Камунальная аварыя адбылася ў Гродне, ілюстрацыйнае фота / pixabay.com

Уначы 7 лютага камунальную аварыю на трубаправодзе выявілі ў Гродне, паведамляе тг-канал "Гроднаэнерга".

У раёне дзіцячага садка №100 па вуліцы Паўднёвай заўважылі моцную пару з трубы. Выявілася пашкоджанне цепласеткі.

Камунальнікі адключылі аварыйны ўчастак. Без цяпла засталіся дзіцячы садок, шэраг жылых дамоў і некалькі крамаў.

На месцы аварыі працуюць тры брыгады філіяла "Гродзенскія цеплавыя сеткі", а таксама спецтэхніка.

Як распавядала Еўрарадыё, аварыя на трубаправодзе ў Мінску 7 лютага пакінула без цяпла і гарачай вады жыхароў некалькіх раёнаў сталіцы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі