У Горках уніз галавой на слупе вісеў пенсіянер

У Горках у Магілёўскай вобласці ўніз галавой на жалезабетонным слупе вонкавага асвятлення вісеў пенсіянер. Здарэнне адбылося раніцай 8 кастрычніка. Ратавальнікам паведамілі пра мужчыну, які прасіў дапамогі. Ён ім распавёў, што праводзіў на слупе нейкія працы, спатыкнуўся і не мог самастойна вызваліцца. Яму дапамаглі ратавальнікі — усталявалі лесвіцу, па якой пенсіянер самастойна спусціўся на зямлю.

Патрэбы ў меддапамозе 68-гадовы мужчына не меў, інфармуе прэс-служба МНС Магілёўскай вобласці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.