У Гомельскай вобласці без святла застаюцца сотні населеных пунктаў
![Працягваюцца аднаўленчыя работы пасля непагадзі на поўдні Беларусі](/sites/default/files/styles/gallery_main/public/2024-07/energo2.jpg.webp?itok=ciiSAp4D)
Працягваюцца аднаўленчыя работы пасля непагадзі на поўдні Беларусі / @Minenergo_by
У Гомельскай вобласці без святла па-ранейшаму застаюцца сотні населеных пунктаў. Пра гэта паведамілі ў Міністэрстве энергетыкі Беларусі. На 7 раніцы аўторка работы па аднаўленні энергазабеспячэння вяліся яшчэ ў 494 населеных пунктах. Працавалі 197 аварыйных брыгадаў. Для часовага электразабеспячэння спажыўцоў знайшлі 90 перасоўных дызель-генератараў. Аблвыканкамы і МНС шукаюць дадатковыя генератары. У Мінэнерга адзначылі, што энергетыкі працуюць кругласутачна і ва ўзмоцненым рэжыме. Але працу абцяжарваюць навальніцы з дажджом і моцным ветрам. Сёння ў рэгіёне зноў непагадзь, і яна можа выклікаць дадатковыя адключэнні.
Тым часам у Магілёўскай вобласці электразабеспячэнне пацярпелых населеных пунктаў адноўленае. Праз моцны вецер у гэтым рэгіёне пацярпелі Быхаўскі, Чавускі, Бабруйскі, Кіраўскі, Слаўгарадскі, Касцюковіцкі і Клімавіцкі раёны. Цяпер энергетыкі выязджаюць па індывідуальных заяўках.
Аднаўляць сеткі магілёўскім энергетыкам дапамагалі калегі з іншых рэгіёнаў, адзначылі ў Мінэнерга. Працавала больш за 100 аварыйных брыгад.
![В Гомельской области без света остаются сотни населенных пунктов](/sites/default/files/styles/default_image_paragraph/public/paragraphs/image/energo4.jpg.webp?itok=DNh_Sl58)
![В Гомельской области без света остаются сотни населенных пунктов](/sites/default/files/styles/default_image_paragraph/public/paragraphs/image/energo3.jpg.webp?itok=EZUG-Mn6)
![В Гомельской области без света остаются сотни населенных пунктов](/sites/default/files/styles/default_image_paragraph/public/paragraphs/image/energo.jpg.webp?itok=dFXwLr-S)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.