Сёння ўначы Літва перастане пускаць аўтамабілі на беларускіх нумарах
Літва, ілюстрацыйнае фота / vk.com/gpkgovby
18 ліпеня з 00:00 (то бок, сёння ўначы) Літва перастане прапускаць легкавыя аўтамабілі на беларускіх нумарах, паведамляе сайт мытнай службы краіны.
Гэтыя меры ўводзяцца ў адпаведнасці з санкцыйным пакетам ЕС, прынятым сёлета у чэрвені. Раней такія ж меры на мяжы ўвяла Латвія.
Разам з тым ёсць выключэнні. Пад забарону не трапіў транспарт беларускіх дыпламатычных місій.
Таксама да 16 жніўня 2024 года ў Літву змогуць прыехаць аўтамабілям на беларускіх нумарах, не прызначаныя для продажу. Але пры гэтым за рулём павінен быць уладальнік аўто.
А пасля 18 студзеня 2025 года аўтамабілі, зарэгістраваныя ў Беларусі, не змогуць знаходзіцца на тэрыторыі Літвы і будуць абавязаныя пакінуць краіну.
