У Баранавічах маланка ўдарыла ў шматпавярховік
Маланка ў Баранавічах / bar24.by
Пры навальніцы ўвечары 16 ліпеня маланка ўдарыла ў шматпавярховік у Баранавічах, піша выданне BAR24.
Чытачка выдання зняла гэты момант на відэа. Паводле яе, маланка трапіла ў громаадвод аднаго з дамоў па вуліцы Дамейкі.
Дзяўчына кажа, што такі кадр ёй удалося злавіць ўпершыню.
Навальніцы з моцнымі дажджамі, ветрам і градам бушуюць у Беларусі з мінулых выходных. У тых самых Баранвічах у нядзелю, 14 ліпеня, выпаў град памерам з курынае яйка.
