Вы тут

У Гомелі з'явіўся дыяганальны пешаходны пераход

Пераход у Гомелі / gomel.mvd.gov.by

Першы ў Гомелі дыяганальны пераход з'явіўся на скрыжаванні вуліцы Савецкай з вуліцамі Камунараў і Ланге, паведамляе прэс-служба УУС Гомельскага аблвыканкама.

Новы пераход зроблены з ініцыятывы абласной ДАІ. Цяпер пешаходы змогуць пераходзіць на паралельны бок праезнай часткі значна хутчэй. Пры гэтым у іх засталася магчымасць перайсці дарогу перпендыкулярна, як было і раней.

Дадаткова на скрыжаванні былі ўсталяваныя чатыры дыяганальныя пешаходныя святлафоры. Усе святлафоры на гэтым участку дарогі будуць працаваць кругласутачна.

Калі ініцыятыва выявіцца паспяховай, такія пераходы плануецца зрабіць і на іншых скрыжаваннях, дзе транспартныя патокі інтэнсіўна перасякаюцца. Прычым з'явяцца дыяганальныя пераходы не толькі ў Гомелі, але і ў райцэнтрах вобласці.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.