У Гомелі трое хлопцаў загінулі ад атручэння чадным газам
У Гомелі трое хлопцаў загінулі ад атручэння чадным газам. Як інфармуе афіцыйная прадстаўніца УСК па Гомельскай вобласці Марыя Крываногава, здарэнне адбылося 23 лютага. Кампанія адзначала Дзень абаронцаў Айчыны ў адным з гаражоў гаражна-будаўнічага кааператыву. Пасля распіцця спіртных напояў, некалькі чалавек сышло, засталося чацвёра. Каб сагрэцца, яны селі ў аўтамабіль і ўключылі рухавік. Дзверы ў гараж зачынілі знутры.
Уначы хлопцаў пачалі шукаць сваякі, паколькі яны не адказвалі на тэлефанаванні. Сястра аднаго з іх прыйшла ў гараж і выклікала туды медыкаў. Трое чалавек памерлі, а 19-гадовага хлопца ў несвядомым стане шпіталізавалі. Паводле папярэдняй інфармацыі, маладыя людзі памерлі ад атручвання чадным газам. Дакладную прычыну назавуць эксперты.
