У Гомелі глыба лёду з даху звалілася на дзяўчыну
Глыба лёду звалілася на гамяльчанку / "Гомель Online" vk.com
Ад падзення лёду з даху жылога дома пацярпела маладая дзяўчына, піша "Гомель Online".
Здарэнне адбылося 18 снежня каля 15:00 на праспекце Леніна. Глыба лёду звалілася з даху і рассекла галаву дзяўчыне.
Па словах відавочцаў, у яе сурʼёзная чэрапна-мазгавая траўма, страсенне, гематомы. Медыкі даставілі дзяўчыну ў абласную бальніцу, там ёй зрабілі аперацыю.
Як распавядала Еўрарадыё, у Віцебску жанчына загінула ад снегу, які зваліўся з даху.
