У Глыбокім пасля таго, як арыштавалі ўраджэнку Расіі, сілавікі забралі і яе сына
Арцём Крыўко / t.me/vitebsk_info/
У Глыбокім пасля таго, як арыштавалі 61-гадовую ўраджэнку Расіі Алену Крыўко, сілавікі забралі і яе сына Арцёма. Мужчына асуджаны на 8 сутак адміністрацыйнага арышту.
Жанчыну асудзілі таксама на 8 сутак за падабайкі ў сацсетках пад публікацыямі інфармацыйных рэсурсаў, якія ў РБ былі прызнаныя "экстрэмісцкімі". За тое самае суддзя Аляксандр Аляксеенка адправіў за краты сына (ён жа судзіў і Алену Крыўко). Арцёма, дарэчы, затрымалі ў дзень, калі заканчваўся адміністрацыйны арышт маці.
У Арцёма Крыўко двое малых дзяцей. Ён, як і маці, нарадзіўся ў РФ.
Таксама ў Глыбокім аштрафавалі на 740 рублёў за "экстрэмізм" Іну Юргель, шматдзетную маці, ураджэнку ўкраінскай Валнавахі.
