У Германіі завялі справу на беларуску, якая перавозіла нелегальных мігрантаў
Паліцыя спыніла аўтамабіль беларускі / Ілюстрацыйнае фота pixabay.com
Супраць грамадзянкі Беларусі ў Германіі завялі крымінальную справу. Яе падазраюць у незаконным увозе замежнікаў.
Аўтамабіль беларускі спынілі на нямецкай трасе ў мінулую суботу. У яе былі польскія дакументы. Аднак яе пасажыры, чатыры чалавекі, "не змаглі прад'явіць ніякіх дакументаў, якія дазваляюць знаходзіцца ў Германіі", кажуць у нямецкай паліцыі. У выніку жанчыну дэпартавалі ў Польшчу, а яе пасажыраў, грамадзян Емена, абвінавацілі ў незаконным уездзе і знаходжанні ў краіне. Яны папрасілі аб міжнароднай абароне. Старэйшых (ім у раёне 20-23 гадоў) адправілі ў ў цэнтр прыёму бежанцаў. А 16-гадовага падлетка — у прытулак.
