У фінале чэмпіянату Беларусі па хакеі сустрэнуцца "Юнацтва" і "Металург"

У фінале чэмпіянату Беларусі па хакеі сустрэнуцца мінскае "Юнацтва" і "Металург". У пятніцу жлобінская каманда ў сёмым паядынку паўфінальнай серыі разграміла салігорскі "Шахцёр" — 5:0 (1:0, 2:0, 2:0).

"Юнацтва" раней перамагло ў паўфінальнай серыі гродзенскі "Нёман". Мінчукі — дзейныя чэмпіёны.

Першыя гульні фінальнай серыі пройдуць 13 і 15 красавіка на "Чыжоўка-Арэне".