У Еўракамісіі патлумачылі выказванне яе кіраўніцы пра страты ўкраінскага войска
Урсула фон дэр Ляен / reuters.com
У Еўракамісіі патлумачылі выказванне яе кіраўніцы Урсулы фон дэр Ляен пра страты ўкраінскага войска ў вайне з Расіяй. Яна заявіла ў відэазвароце пра 100 тысяч загінулых. Неўзабаве гэтыя словы зніклі з відэа і з афіцыйнага сайта. Дырэктар па пытаннях палітычнай камунікацыі Еўракамісіі Дана Спінант паведаміла, што Урсула фон дэр Ляен насамрэч мела на ўвазе і загінулых, і параненых украінскіх вайскоўцаў.
Выказванне пра 100 тысяч загінулых стала нечаканым для ўладаў Украіны, якія заўсёды падкрэслівалі, што страты ўкраінскага войска значна меншыя, чым у расіян. У сераду ўкраінскі Генштаб паведаміў пра амаль 89 тысяч забітых расійскіх салдат і афіцэраў. Словы Урсулы фон дэр Ляен у Кіеве не сталі адкрыта абвяргаць, дачакаліся тлумачэнняў Бруселя.
Many thanks to those who pointed out the inaccuracy regarding the figures in a previous version of this video.
— Dana Spinant (@DanaSpinant) November 30, 2022
The estimation used, from external sources, should have referred to casualties, i.e. both killed and injured, and was meant to show Russia‘s brutality. https://t.co/GesDe7bK8v
