У ДТЗ у Віцебскім раёне загінула дзіця: на дарогу перад аўто выйшаў лось
На месцы ДТЗ / @vitebsk_gai
Адзін чалавек загінуў, яшчэ адзін атрымаў траўмы ў выніку ДТЗ, якое адбылося ўчора ўвечары на 90-м кіламетры аўтадарогі М-8. Гэтая траса вядзе ад ад расійскай мяжы праз Віцебск і Гомель да мяжы з Украінай. Пра аварыю распавялі ў ДАІ Віцебскай вобласці.
Вінаватым у ДТЗ стаў лось, які выйшаў на дарогу. 44-гадовы кіроўца Volkswagen Passat не паспеў зрэагаваць і ўрэзаўся ў жывёлу. У выніку мужчына атрымаў траўмы, а ягоны сын, які ехаў на пярэднім пасажырскім сядзенні, загінуў. Хлопчыку было 12 гадоў.
