Дыверсія ў Данецку: знішчаны 1 мільён бюлетэняў сепаратыстаў
Здарэнне адбылося ў ноч на 8 траўня.
Як інфармуе УНН, невядомыя людзі ўварваліся ў памяшканне дзвюх друкарняў і знішчылі больш за мільён бюлетэняў. Яны былі надрукаваныя на замову сепаратыстаў для правядзення рэферэндуму 11 траўня па аддзяленні ўсходніх абласцей ад Украіны. Акрамя гэтага нападнікі вывелі з ладу друкарскае абсталяванне.
Па словах відавочцаў, у нападнікаў былі жоўтыя і чырвона-чорныя павязкі з пазнакамі "Правага сектара".
Нагадаем, што напярэдадні прэзідэнт Расіі Уладзімір Пуцін заклікаў перанесці рэферэндум на паўднёвым усходзе Украіны.
Фота — 112.ua
