У Чарнаўцах пасмяротна ўзнагародзяць беларуса, які загінуў за Украіну
![У Чарнаўцах пасмяротна ўзнагародзяць беларуса, які загінуў за Украіну](/sites/default/files/styles/gallery_main/public/2023-08/4arka6yn-2603.jpg.webp?itok=EEarEE2X)
У філармоніі ўкраінскіх Чарнаўцоў у суботу, 26 сакавіка, адбудзецца 14-я цырымонія ўзнагароджання байцоў, валанцёраў, лекараў, капеланаў. Як піша censor.net.ua, іх узнагародзяць недзяржаўным ордэнам "Народны Герой Украіны".
Сярод іншых будзе пасмяротна ўзнагароджаны 33-гадовы ўраджэнец Брэста Алесь Чаркашын (псеўданім "Тарас"). Ён ваяваў у 5-м батальёне дабравольніцкага ўкраінскага корпуса "Правы сектар" і загінуў у баі 10 жніўня 2015 года.
На цырымонію ўзнагароджання прыедуць блізкія сябры Алеся Чаркашына. Ім і перададуць узнагароду.