У цэнтры Мінска сутыкнуліся трамваі, пацярпелі 5 пасажыраў (фота)

Як паведамляе тэлеканал "Беларусь 1", на месцы працавалі дзве брыгады хуткай дапамогі. Пацярпелая дзяўчына ад шпіталізацыі адмовілася, чацвёра пенсіянераў, сярод якіх тры жанчыны, дастаўленыя ў бальніцу. У асноўным у іх падазрэнні на чэрапна-мазгавую траўму лёгкай ступені. Акрамя таго, у аднаго з пацярпелых папярэдне дыягнаставаны пералом пляча.

Вось што распавядае супрацоўнік ДАІ Міхаіл Бізунок:

"Пацярпелі пасажыры салона, якія былі дастаўленыя ў розныя медустановы Мінска. На месцы здарэння працуе следча-аператыўная група. Высвятляюцца ўсе абставіны дарожна-транспартнага здарэння".

Паводле яго слоў, адбылося адключэнне сілкавання, машыніст аднаго з трамваяў прымяніў экстраннае тармажэнне, але сутыкнення пазбегнуць не ўдалося. Мяркуючы па пашкоджаннях транспарту, удар атрымаўся досыць моцным.

Пасля аварыі рух трамваяў па праспекце Машэрава ў бок праспекта Незалежнасці часова спыніўся.