У Брэсце знайшлі ёмістасць з 420 грамамі ртуці (фота)
![У Брэсце знайшлі ёмістасць з 420 грамамі ртуці (фота)](/sites/default/files/styles/gallery_main/public/2023-08/4_359711_800x600_mc.jpg.webp?itok=FoZen0wX)
У Брэсце знайшлі шкляную ёмістасць з 420 грамамі ртуці, інфармуе прэс-служба МНС. Здарэнне адбылося раніцай 13 верасня. На падазроную знаходку натрапілі работнікі смеццеперапрацоўчага завода. Яны перабіралі смецце і заўважылі ёмістасць. На месца прыехалі ратавальнікі, якія знаходку забралі. Адзначаецца, што ёмістасць была закаркаваная, забруджвання навакольнага асяроддзя не адбылося. Пацярпелых сярод людзей не было.
![У Брэсце знайшлі ёмістасць з 420 грамамі ртуці (фота)](/sites/default/files/paragraphs/image/3359712800x600mc.jpg)
Фота: mchs.gov.by