У Брэсце затрымалі грамадзянку Таджыкістана, якую шукалі за экстрэмізм
29-гадовая жанчына была абвешчаная ў міждзяржаўны вышук.
У міжнародным чыгуначным пункце пропуску "Брэст" памежнікі затрымалі грамадзянку Таджыкістана, якая была абвешчаная ў міждзяржаўны вышук.
Жанчыну затрымалі на станцыі "Брэст-Усходні" падчас памежнага кантролю сярод людзей, якія спрабавалі выехаць за мяжу. Дакументы ў 29-гадовай жанчыны былі ў парадку. Тым не менш памежнікі яе затрымалі, бо ў сябе на радзіме таджычка абвешчаная ў вышук за экстрэмісцкую дзейнасць на тэрыторыі сваёй краіны, перадае БЕЛТА.
Жанчыну перадалі транспартнай міліцыі. Цяпер вырашаецца пытанне пра яе экстрадыцыю на радзіму.
Фота — aif.ru
