У беларускім войску загінуў салдат тэрміновай службы
Падчас мерапрыемстваў баявой падрыхтоўкі ад агнястрэльнага ранення загінуў салдат тэрміновай службы.
Як паведамляе прэс-служба Мінабароны, трагічны выпадак здарыўся ў адным з падраздзяленняў 11-й асобнай гвардзейскай механізаванай брыгады. Яна дыслакуецца ў Слоніме. Паводле інфармацыі ТГ-канала "Беларускі Гаюн", цяпер падраздзяленні брыгады знаходзяцца ў Ельскім раёне.
Імя загінулага не называецца.
Камісія Мінабароны разам з прадстаўнікамі праваахоўных органаў праводзіць праверку, каб высветліць усе абставіны здарэння.
