Вы тут

У Беларусі знікне неабходнасць дазволаў фізасобам на адкрыццё рахункаў за мяжой

Фота: ria.ru

У Беларусі знікне неабходнасць дазволаў фізычным асобам на адкрыццё рахункаў за мяжой. Такое рашэнне можа быць прынятае ў бліжэйшай перспектыве. Як піша ў студзеньскім нумары “Банкаўскі веснік”, пра гэта на пасяджэнні праўлення Нацбанка распавёў намеснік старшыні праўлення Сяргей Калечыц. Паводле яго слоў, таксама плануецца цалкам адмяніць абавязковы продаж валютнай выручкі ды рэалізаваць пераход ад дазваляльнага парадку правядзення асобных валютных аперацый руху капіталу да рэгістрацыйнага.