У Беларусі знайшлі "ўнікальную ваду", якую хочуць прадаваць ад $10 за літр
!["Па смаку і карысці для здароўя ў яе няма аналагаў" (ілюстрацыйнае фота)](/sites/default/files/styles/gallery_main/public/2024-03/nature-254951_1280.jpg.webp?itok=R-D_a8C5)
"Па смаку і карысці для здароўя ў яе няма аналагаў" (ілюстрацыйнае фота) / pixabay.com
У Беларусі на Палессі знайшлі "ўнікальную ўльтрапрэсную ваду", якую хочуць прадаваць ад $10 за літр (прынамсі столькі каштуе "бельгійскі аналаг"), паведамляе belarus-news.by. У Акадэміі навук кажуць, што стаіць задача выканаць геолагаразведачныя працы і ацаніць яе запасы. Далей будуць шукаць інвестара, які "пабудуе прадпрыемства па разліву гэтых... выдатных вод". Навукоўцы ўжо бачаць у іх "вельмі добры экспартны патэнцыял" і прапануюць "на вадзе зарабіць". Нягледзячы на санкцыі і вайну ва Украіне.
Сцвярджаецца, што ў згаданай вады "па смаку і карысці для здароўя... няма аналагаў". Відаць, гэты праект ужо паклалі на стол Аляксандру Лукашэнку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.