У Беларусі збіраюцца легалізаваць дыстанцыйную працу

У Беларусі збіраюцца легалізаваць дыстанцыйную працу. Прынамсі, для жанчын, якія выхоўваюць дзяцей. Адпаведныя змены збіраюцца ўнесці ў Працоўны кодэкс, заявіў намеснік міністра працы і сацыяльнай абароны Аляксандр Румак. “Цяпер інфармацыйныя тэхналогіі дазваляюць чалавеку працаваць з дома аддалена, — цытуе яго словы БЕЛТА. — Праект змен ужо ёсць, ён праходзіць неабходныя працэдуры”.

Румак не ўдакладніў, калі варта чакаць гэтага новаўвядзення.