У Беларусі завочна асуджаны на 11 гадоў калоніі палітычны актывіст Іван Краўцоў
Іван Краўцоў / Euroradio
У Беларусі завочна асуджаны на 11 гадоў калоніі ўзмоцненага рэжыму палітычны актывіст Іван Краўцоў, які жыве з мяжой. Яго прызналі вінаватым па чатырох артыкулах Крымінальнага кодэкса: "Стварэнне экстрэмісцкага фарміравання альбо ўдзел у ім”, "Махлярства", "Змова ці іншыя дзеянні, учыненыя з мэтай захопу дзяржаўнай улады" і "Распальванне іншай сацыяльнай варожасці або варажнечы".
Справу ў фармаце спецвытворчасці разглядаў Мінскі гарадскі суд (суддзя — Анжэла Касцюкевіч). Большасць абвінавачванняў датычаць дзейнасці Краўцова ў Каардынацыйнай радзе, якую рэжым прызнаў "экстрэмісцкім фармаваннем".
Іван Краўцоў у 2020-м уваходзіў у каманду Віктара Бабарыкі. У верасні яго затрымалі і разам з Антонам Раднянковым выслалі ва Украіну. Марыя Калеснікава тады парвала свой пашпарт на мяжы, каб яе не маглі выправадзіць за межы Беларусі.
