У Беларусі застануцца тры-чатыры партыі — Кірыл Казакоў

Сімволіка грамадскага аб'яднання "Белая Русь" / sb.by
Сімволіка грамадскага аб'яднання "Белая Русь" / sb.by

У Беларусі пасля перарэгістрацыі застануцца тры-чатыры партыі. Пра гэта заявіў галоўны рэдактар "Мінскага кур’ера" Кірыл Казакоў падчас відэатрансляцыі на адным з праўладных ютуб-каналаў, перадае Радыё "Свабода".

Бліжэйшым часам у Беларусі пачнецца перарэгістрацыя палітычных партый. Пра гэта 3 лютага паведаміў міністр юстыцыі Сяргей Хаменка.

Таксама напярэдадні стала вядома, што пры праўладнай грамадскай арганізацыі "Белая Русь" ствараецца аднайменная партыя.

Па словах Казакова, "Белая Русь" можа стаць цэнтрысцкай партыяй. "Ліберальна-дэмакратычная партыя прэтэндуе на больш правую пазыцыю, таму што слова "ліберальная" — больш правае. Камуністы зоймуць левую пазіцыю. Мы на мінулым тыдні абмяркоўвалі гэтую гісторыю з сенатарам Алегам Дзьячэнкам і гаварылі пра тое, колькі партый можа застацца пасля перарэгістрацыі. І ён казаў, што, можа, тры-чатыры. То бок камуністы, ліберал-дэмакраты Гайдукевіча і цэнтрысты з "Белай Русі". І, па сутнасці, мы пакрываем усю палітру палітычных плыняў", — тлумачыць Казакоў.

На сёння ў Беларусі налічваецца 15 палітычных партый. Новы закон ставіць шэраг бар’ераў для ўтварэння і дзейнасці палітычных аб'яднанняў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі