У Беларусі за "распальванне нянавісці" да арміі РФ затрымалі айцішніка з Расіі
Расіянін супраць вайны, якую Расія вядзе супраць Украіны / Ілюстрацыйнае фота dzen.ru
У Беларусі за "распальванне нянавісці" да расійскіх вайскоўцаў затрымалі айцішніка з Расіі. Расійскі грамадзянін жыў у нашай краіне з 2020 года. На відэа сілавікоў ён кажа, што пісаў пасты "з распальваннем нянавісці да расійскіх вайскоўцаў".
Затрыманы нібыта накіраваў у амбасаду ЗША прашэнне аб палітычным прытулку "на падставе дакументаў, якія не з'яўляюцца сапраўднымі".
Як бачым, рэпрэсіі ў Беларусі закранаюць і расіян. Яшчэ больш затрымліваюць украінцаў — за пратэсты і "экстрэмісцкія" падпіскі, "распальванне варажнечы".
