У Беларусі ўстанавілі мінімумы балаў па цэнтралізаваным тэставанні ў 2016 годзе
![У Беларусі ўстанавілі мінімумы балаў па цэнтралізаваным тэставанні ў 2016 годзе](/sites/default/files/styles/gallery_main/public/2023-08/01097_026878.jpg.webp?itok=ygZF0GMq)
У Беларусі ўстанавілі мінімумы балаў па цэнтралізаваным тэставанні ў 2016 годзе. Адпаведная пастанова Міністэрства адукацыі ад 3 сакавіка сёння была апублікаваная на Нацыянальным прававым інтэрнэт-партале. "Ніжнія парогавыя" балы ЦТ па-ранейшаму дыферэнцыяваныя адносна ўзроўню ведаў абітурыентаў па навучальных прадметах, адпаведным профільным выпрабаванням — першаму і другому. Таксама яны дзеляцца у залежнасці ад таго, куды паступае абітурыент, у грамадзянскі ці ў "вайсковы" ВНУ (і нават на якую спецыяльнасць), адзначае tut.by.
Для абітурыентаў, якія паступаюць на не звязаную з філалогіяй або лінгвістыкай спецыяльнасць, пры здачы цэнтралізаванага тэставання па беларускай або рускай мовах — мінімумам "прахадных" балаў стане 10, ад 0 да 9 балаў (уключна) лічацца нездавальняючымі адзнакамі. Па спецыяльнасцях "Беларуская мова і літаратура", "Руская мова і літаратура", "Беларуская мова і літаратура. Замежная мова (з указаннем мовы)", "Руская мова і літаратура. Замежная мова (з указаннем мовы)", "Беларуская філалогія (па напрамках)", "Руская філалогія (па напрамках)", "Славянская філалогія" — адзнакі ад 0 да 19 балаў (уключна).
Па першым прадмеце профільнага іспыту "Матэматыка", "Фізіка", "Хімія", "Біялогія" нездавальняючыя адзнакі па параўнанні з мінулым годам не змяніліся — ад 0 да 14 балаў (уключна). Па прадметах "Гісторыя Беларусі", "Сусветная гісторыя (найноўшы час)", "Грамадазнаўства", "Геаграфія", "Замежныя мовы (англійская, нямецкая, французская, іспанская, кітайская)" — ад 0 да 19 балаў (уключна). Па другім прадмеце профільнага іспыту "Матэматыка", "Фізіка", "Хімія", "Біялогія" — адзнакі ад 0 да 9 балаў (уключна).
Па прадметах "Гісторыя Беларусі", "Сусветная гісторыя (найноўшы час)", "Геаграфія", "Замежныя мовы (англійская, нямецкая, французская, іспанская, кітайская)" — адзнакі ад 0 да 14 балаў (уключна).
У дакуменце адзначаецца, што для асобных катэгорый абітурыентаў парог нездавальняючых адзнак традыцыйна ніжэйшы.
Напрыклад, пры здачы ЦТ тым, хто хоча паступаць у ВНУ Мінабароны, МНС, Дзяржпагранкамітэта, МУС (на бюджэтныя месцы пры недаборы), на вайсковыя факультэты астатніх ВНУ ці на спецыяльнасці "Вытворчасць, захоўванне і перапрацоўка прадукцыі раслінаводства", "Жывёлагадоўля. Рыбаводства. Пчалярства", "Сельскае будаўніцтва і ўладкаванне тэрыторый", "Меліярацыя і водная гаспадарка", "Аграінжынер", дастаткова набраць па такіх вучэбных прадметах, як беларуская мова, руская мова, матэматыка, фізіка, хімія, біялогія, гісторыя Беларусі, сусветная гісторыя (найноўшы час), грамадазнаўства, геаграфія, замежныя мовы (англійская, нямецкая, французская, іспанская, кітайская), ад 0 да 4 балаў ўключна.
Ужо зацверджаны графік цэнтралізаванага тэставання. Першы тэст абітурыенты здаюць 13 чэрвеня па беларускай мове і 14 чэрвеня — па рускай мове. Пачатак кожнага тэста — а 11-й гадзіне.
![У Беларусі ўстанавілі мінімумы балаў па цэнтралізаваным тэставанні ў 2016 годзе](/sites/default/files/paragraphs/image/test.jpg)