У Беларусі тры смяротных ДТЗ за апошнія суткі
Кіроўца грузавіка ўехаў у прычэп трактара / МУС
На дарозе М-1 у Мінскім раёне 24-гадовы кіроўца грузавіка заехаў у трактар, які цягнуў прычэп з бярвёнамі. Ад атрыманых траўмаў кіроўца загінуў, паведамляе прэс-служба МУС.
Двух пешаходаў збілі насмерць ў Мінскім і ў Віцебскім раёне.
З-за дрэннага надвор'я колькасць ДТЗ расце.
— Вадзіцелям неабходна быць гранічна ўважлівымі і асцярожнымі пры праездзе пешаходных пераходаў, выбіраць бяспечную хуткасць руху і дыстанцыю. Пешаходам-пераходзіць дарогу толькі ва ўстаноўленых месцах, пераканаўшыся ў бяспецы свайго пераходу. У цёмны час сутак пазначаць сябе святлоадбівальнымі элементамі, — нагадвае МУС.
