Вы тут

У Беларусі штодня папаўняюць спіс "экстрэмісцкіх фарміраванняў"

Новыя "экстрэмісцкія фарміраванні" / pixabay.com

У Беларусі штодня папаўняюць спіс "экстрэмісцкіх фарміраванняў". На гэты раз у яго трапілі Telegram-канал "Ждановічы сёння" і Telegram-чат "Ждановичи 2020 — клуб любителей песен Цоя". Адпаведнае рашэнне прыняло МУС.

На гэтым тыдні ў нашай краіне "экстрэмісцкімі фарміраваннямі" пачалі прызнаваць "групы грамадзян", якія маюць дачыненне да тых ці іншых тэлеграм-каналаў, чатаў. Напярэдадні ў спіс трапілі Telegram-канал "Кібер-партызаны" і чат "Кібер-злівы". Афіцыйна ён называецца "Пералік арганізацый, фарміраванняў, індывідуальных прадпрымальнікаў, а таксама пералік грамадзян Рэспублікі Беларусь, замежных грамадзян або асоб без грамадзянства, якія маюць дачыненне да экстрэмісцкай дзейнасці". Яго вядзеннем займаецца Міністэрства ўнутраных спраў.

twitter.com/mvd_by

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.