Вы тут

У Беларусі распачалі 4,2 тысячы крымінальных спраў за "экстрэмізм" і "тэрарызм"

Генпракурор на дакладзе ў Аляксандра Лукашэнкі / president.gov.by

У Беларусі распачалі больш за 4,2 тысячы крымінальных спраў за "экстрэмізм" і "тэрарызм". Пра гэта 26 ліпеня заявіў генпракурор Андрэй Швед. Паводле яго слоў, у суды накіравана ўжо 803 такіх справы ў дачыненні 1116 чалавек. 704 крымінальныя справы суды ўжо разгледзелі, па іх праходзілі 955 асобаў. Можна меркаваць, што ўсе яны асуджаны.

Такой вялізнай колькасці "экстрэмістаў" і "тэрарыстаў" у нашай краіне не было ніколі.

Швед падкрэслівае, што звычайна фігурантаў справы прыцягваюць "да строгай крымінальнай адказнасці". "Гэта звязана ў тым ліку і з рэалізацыяй прынцыпу няўхільнасці адказнасці", — заявіў ён.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.