У Беларусі 28 сакавіка пабіты 35 тэмпературных рэкордаў

Дзякуючы антыцыклону з цэнтрам над еўрапейскай тэрыторыяй Расіі ў Беларусі ў апошнія дні ўсталявалася вельмі цёплае надвор'е. У суботу, 28 сакавіка, на 35 метэастанцыях пабіты тэмпературныя рэкорды.

У Мінску максімальная тэмпература паветра была 16,4 градуса, што на паўтара градусы вышэй папярэдняга максімуму, усталяванага ў 2007 годзе. Самая высокая тэмпература зафіксавана на метэастанцыі "Палеская" на ўсходзе Брэсцкай вобласці — 18,5 градуса цяпла. Тым не менш рэкорд краіны для гэтага дня выстаяў — 20,4 градуса цяпла было зафіксавана 28 сакавіка ў Мар'інай Горцы 117 гадоў таму.

З 35 перакрытых тэмпературных максімумаў 17 ставяцца да 2007 года, падлічыў БелПАН.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.