У Беларусь могуць прыйсці два новыя штамы каранавіруса
![У Беларусь могуць прыйсці два новыя штамы каранавіруса / pixabay.com](/sites/default/files/styles/gallery_main/public/2023-08/covid-1512.jpg.webp?itok=DZsl6H9K)
У Беларусь могуць прыйсці два новыя штамы каранавіруса / pixabay.com
Медыкі прагназуюць, што ў Беларусь прыйдуць два новыя штаму каранавіруса. Пра гэта журналістам заявіў загадчык кафедры інфекцыйных хвароб і дзіцячых інфекцый Беларускай дзяржаўнай акадэміі паслядыпломнай адукацыі Юрый Горбіч.
"Напэўна, бліжэйшым часам да нас прыйдуць два чарговыя варыянты SARS-COV-2, якія дамінуюць у Еўропе і Азіі. Пакуль немагчыма да канца сказаць, які з іх першым пачне дамінаваць у нас", — перадае БЕЛТА яго словы.
Горбіч дадае, што медыкі спадзяюцца, што ў 2023 годзе надзвычайная сітуацыя ў свеце, звязаная з каранавірусам, скончыцца. "Але ёсць некалькі момантаў, якія кідаюць нейкі цень на гэтую надзею", — дадае ён.
Спецыяліст лічыць, што пакуль заўчасна сцвярджаць, быццам SARS-COV-2 пяройдзе ў разрад сезоннага. Пытанне, калі закончыцца пандэмія, пакуль застаецца адкрытым.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.