Вы тут

У Баранавіцкім раёне на хлопчыка ўпала футбольная брама, ён загінуў

Брама прыціснула хлопчыка / Ілюстрацыйнае фота з архіву pixabay.com

У Баранавіцкім раёне ў аграгарадку Русіно на 11-гадовага хлопчыка ўпала футбольная брама, ён загінуў, інфармуе ў Telegram прэс-служба Следчага камітэта. Сведкі кажуць, што на стадыёне падлеткі гулялі ў футбол. Трагедыя здарылася пасля таго, як падчас гульні юнак залез на браму і пачаў яе разгойдваць. Брама ўпала і прыціснула яго. На месца прыехала хуткая, але медыкі не змаглі выратаваць жыццё школьніку.

У Русіно працуюць следчыя, якія высвятляюць усе абставіны здарэння.

Падобныя здарэнні, на жаль, не рэдкасць. Год таму ў Мінску таксама на 11-гадовага хлопчыка ўпала футбольная брама, ён атрымаў траўмы галавы. А два гады таму ў сталіцы брама ўпала на двух падлеткаў і траўмавала іх.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.