У Баранавічах легкавік урэзаўся ў рэйсавы аўтобус
![У Баранавічах легкавік урэзаўся ў рэйсавы аўтобус](/sites/default/files/styles/gallery_main/public/2023-08/baranki-2409.jpg.webp?itok=IvsX5kkU)
У ДТЗ у Баранавічах пацярпеў чалавек. Аварыя адбылася 23 верасня каля 12:45, паведамляе прэс-служба УУС Брэскага аблвыканкама.
38-гадовая жыхарка Баранавічаў на "Рэно Логан" ехала па вуліцы Піянерскай. На нерэгуляваным скрыжаванні з вуліцай Кудрына яе аўто ўрэзалася ў маршрутны аўтобус "МАЗ", якім кіраваў 47-гадовы мужчына. Аўтобус рухаўся па галоўнай дарозе.
Пра ДТЗ ў салоне аўтобуса паваліўся 68-гадовы пасажыр. Яго шпіталізавалі ў траўматалагічнае аддзяленне баранавіцкай гарадской лякарні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.