У Бабруйску прадалі два будынкі крэпасці, якім каля 200 гадоў
![У Бабруйску прадалі склады мясцовай крэпасці / Дзяржмаёмасць РБ](/sites/default/files/styles/gallery_main/public/2023-08/babrujsk-1808-1.jpg.webp?itok=P4J8hUuE)
У Бабруйску прадалі склады мясцовай крэпасці / Дзяржмаёмасць РБ
На аўкцыёне ў Бабруйску 17 жніўня прадалі будынкі крэпасці, пабудаванай у 1810-1836 гадах, паведамляе mogilev.media.
Гаворка ідзе два склады крэпасці — на 243 і 206 квадратных метраў. Стартавы кошт складаў адну базавую велічыню за кожны будынак — 37 рублёў. На кожны са складоў прэтэндавала па адным пакупніку. Яны і сталі ўласнікамі. Паведамляецца, што гэта жыхары Бабруйска.
Цягам паўгода пасля куплі новыя ўласнікі абавязаныя звярнуцца ў Мінкультуры па дазвол на рэстаўрацыю будынкаў. Самі рэстаўрацыйныя работы яны павінныя выканаць цягам трох гадоў пасля куплі.
Зямельныя ўчасткі, на якіх стаяць будынкі, новыя ўладальнікі атрымаюць у арэнду на 50 гадоў.
![У Бабруйску прадалі два будынкі крэпасці, якім каля 200 гадоў](/sites/default/files/styles/default_image_paragraph/public/paragraphs/image/babrujsk-1808-2.jpg.webp?itok=gVtH-O9h)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.