У Бабруйску на жанчыну-кантралёра мужчына спусціў сабак
![У Бабруйску на жанчыну-кантралёра мужчына спусціў сабак](/sites/default/files/styles/gallery_main/public/2023-08/1416464427_napadaet-sobaka.jpg.webp?itok=NCNCzNN_)
У Бабруйску на жанчыну-кантралёра мужчына спусціў сабак. Пацярпелая, работніца гарадскога раёна электрычных сетак, у адным з жылых дамоў здымала паказанні электралічыльніка. Калі яна гэта зрабіла, на яе напаў мужчына, які знаходзіўся ў памяшканні. Ён спрабаваў перашкодзіць выхаду жанчыны з дома і спусціў на яе хатніх сабак. У выніку кантралёр атрымала цялесныя пашкоджанні.
Як інфармуе прэс-служба “Белэнерга”, на дапамогу жанчын прыйшлі суседзі мужчыны. Яны дапамаглі ёй выйсці ды аказалі першую меддапамогу. “Хуткая” завезла пацярпелую ў бальніцу. Міліцыя праводзіць расследаванне.