У Асіповічах на святкаванні 9 траўня заўважылі расійскіх вайскоўцаў

У Асіповічах (Магілёўкая вобласць) на святкаванні 9 траўня мясцовыя жыхары заўважылі расійскіх вайскоўцаў. Фатаздымкі з імі з'явіліся ў ТГ-каналах.

Расіяне ўсклалі кветкі да мемарыяльнага комплексу "Алея герояў".

Пасля правалу расійскага наступу на Кіеў і вымушанага адступлення на тэрыторыю Беларусі большая частка расійскіх войскаў пераехала ў Расію, а адтуль адправілася на захоп украінскага Данбаса. Аднак высветлілася, што частка вайскоўцаў дагэтуль застаецца ў Беларусі.