У Асіповічах на пажары загінула маці з двума дзецьмі (фота)
![У Асіповічах на пажары загінула маці з двума дзецьмі (фота)](/sites/default/files/styles/gallery_main/public/2023-08/asip_pazh_1.jpg.webp?itok=bRwyfB1H)
У Асіповічах на пажары ў прыватным доме загінула 35-гадовая жанчына з двума дзецьмі. Трагічнае здарэнне адбылося каля другой гадзіны ночы. У момант прыбыцця пажарных на месца здарэння адкрытым полымем гарэў дах, веранда і памяшканні ў доме, а таксама размешчаны побач хлеў.
Гаспадар дома быў на вуліцы, з яго словаў, у памяшканні заставаліся людзі. Мужчына сказаў, што жыве ў кватэры №1 гэтага дома, а ў кватэры №2 знаходзіцца яго дачка з дзецьмі. Выратавальнікі знайшлі ў пакоі цела жанчыны разам з двума яе загінулымі дзецьмі (аднаму было 16 гадоў, іншаму 9).
Дом не быў падключаны да аўтаномнага пажарнага спавяшчальніка. Прычына ўзгарання высвятляецца, перадае прэс-служба Магілёўскага абласнога ўпраўлення МНС.